Vikilugʻat:Foydalanuvchi sahifalari

Har bir Vikilugʻat foydalanuvchisiga avtomatik ravishda ikkita maxsus sahifa ajratiladi — uning foydalanuvchi sahifasi va foydalanuvchi munozarasi sahifasi. Roʻyxatdan oʻtgan Vikilugʻat foydalanuvchisining shaxsiy sahifasi „Foydalanuvchi:Nomi“, munozara sahifasi „Foydalanuvchi munozarasi:Nomi“ deb ataladi. Ushbu ikki sahifa va ularning ostsahifalari yordamchi rol oʻynaydigan „foydalanuvchilar nomfazosi“ni tashkil qiladi, yaʼni lugʻat ustida birgalikda ishlash bilan bogʻliq masalalar boʻyicha boshqa loyiha ishtirokchilari bilan muloqot qilish vositasi sifatida ishlaydi.

Foydalanuvchi sahifalarining holati va ochiqligi

Foydalanuvchi sahifalari Vikilugʻat soʻzlari emas, lekin alohida Foydalanuvchi nomfazosida joylashgan. Buni Vikilug‘at o‘quvchilariga bildirish uchun sahifangizga maxsus {{userpage}} andozasini joylashtirishingiz mumkin.

Foydalanuvchi sahifalari lug‘at soʻzlarini turkumlash uchun mo‘ljallangan turkumlarga qo‘shilmaydi va faqat „Viklug‘at:Vikilug‘at foydalanuvchilari“ turkumiga kiritilishi mumkin.

Foydalanuvchi sahifalari boshqa Vikilugʻat foydalanuvchilari tomonidan tahrirlash uchun ochiq. Biroq, boshqa odamlarning shaxsiy sahifalarini ruxsatsiz va jiddiy sababsiz tahrirlash ayrim hollarda vandalizm hisoblanadi.

Foydalanuvchi sahifasiga yoki munozara sahifasiga havola ishtirokchi imzosida boʻlishi kerak.

Foydalanuvchi sahifani yoki endilikda kerak boʻlmaydigan ostsahifani oʻchirish uchun unga maxsus {{db-owner}} andozasini qoʻyish kifoya. Biroz vaqt oʻtgach, administratorlardan biri uni oʻchirib tashlaydi.

Foydalanuvchi nomlari

Foydalanuvchi nomlari:

1. haqoratomuz boʻlmasligi kerak, chunki haqoratomuz foydalanuvchi nomi viki uchun muhim boʻlgan hamjamiyat faoliyatiga xalaqit berishi mumkin. Agar foydalanuvchi nomi haqoratli deb hisoblanishi mumkinligiga ishonchingiz komil boʻlmasa, undan foydalanmaslik yaxshiroqdir.
2. boshqa foydalanuvchining foydalanuvchi nomiga yoki hech kimning haqiqiy ismiga (sizniki bundan mustasno) oʻxshamasligi kerak, chunki bunday foydalanuvchi nomlari chalkashlikka olib kelishi va aldamchi koʻrinishi mumkin.
3. reklama boʻlmasligi kerak, yaʼni ular biznes nomi, savdo belgisi yoki veb-manzilga oʻxshamasligi kerak.
4. Oʻzbek tilida soʻzlashuvchini tanib olish, eslab qolish va yozish uchun juda oson boʻlishi kerak. Bu odatda juda qisqa boʻlishi kerakligini anglatadi. Iloji boʻlsa lotin alifbosidan foydalanish (raqamlar, boʻshliqlar va/yoki tinish belgilari ham kiritilishi mumkin) va talaffuz qilib boʻlmaydigan belgilar ketma-ketligidan qochish kerak.

Agar siz allaqachon nomaqbul foydalanuvchi nomiga ega hisob qaydnomasini yaratgan boʻlsangiz va undan foydalanishni boshlagan boʻlsangiz, foydalanuvchi nomini oʻzgartirishni Vikilugʻat:Foydalanuvchi nomini oʻzgartirish boʻlimida soʻrov berishingiz mumkin yoki qabul qilinadigan foydalanuvchi nomi bilan yangi hisob yaratishingiz mumkin. Agar sizda boshqa Wikimedia loyihasida akkauntingiz boʻlsa, bu yerda bir xil login yordamida bir xil hisob qaydnomasidan foydalanishingiz qatʼiy tavsiya qilinadi.

Foydalanuvchi ostsahifalari

Har bir foydalanuvchi Foydalanuvchi:Nomi/sarlavha nomi bilan ostsahifalar yaratishi mumkin. Masalan, „Foydalanuvchi:YourPage/Draft“ maxsus havolasiga oʻtish orqali ostsahifa/qoralama yaratish mumkin.

Ostsahifalar roʻyxatini bir necha usulda koʻrish mumkin. Barcha fikrlar bir xil natijaga olib keladi, lekin turli yoʻllar bilan:

• Foydalanuvchi sahifani, munozara sahifani yoki istalgan ostsahifani oching va „Asboblar“ menyusidagi „Foydalanuvchi hissasi“ni bosish kerak. *Xuddi shu narsani yuqori gorizontal menyuda „hissam“ havolasini bosish orqali amalga oshirish mumkin. „Foydalanuvchi hissasi“ sahifasi ochiladi, uni pastiga oʻtib, „Ostsahifalar“ tugmasini bosish kerak.
• „Asboblar“ menyusida „Maxsus sahifalar“ bandini tanlab, ochilgan sahifada „Sahifalar roʻyxati“ bandida „Sahifa nomlari boʻyicha indeks“ havolasini tanlanadi. Koʻrsatilgan maydonda foydalanuvchi nomi kiritiladi, „Foydalanuvchi“ nomfazosini tanlanadi va „Bajarish“ tugmasini bosiladi. Maydonga „Foydalanuvchi:Foydalanuvchi nomi“ kiritiladi va nomfazosini oʻzgartirmasdan „Ishga tushirish“ tugmasini bosish mumkin.