bildirmoq

Oʻzbekcha (uz)

Morfologik va sintaktik xususiyatlari

bil-dir-moq

Maʼnoviy xususiyatlari

Maʼnosi

1 Bilmoq 1-5 fl. ort. n. ◆ Qorovul tomoq qirib, oʻzining uygʻoq ekanini bildirdi. Mirmuhsin, Umid.◆  Navroʻz Yangi kun, Yangi yil degan maʼnoni bildiradi. "Fan va turmush".◆  Bu ham sening oʻz ishingga sado-qatingning zoʻrligini bildiradi. S. Ahmad, Yulduz.

2 Oshkor qilmoq, sezdirmoq; ochmoq. ◆ Joʻmard yoʻqligini bildirmas, tulpor — ochligini. Maqol. n◆  Koʻrganning tili bildirar, Kuyganning — dili. M. Ismoiliy, „Fargʻona tong otguncha“ ◆  Bu sirni eringdan boshqa hech kimga bildirma. A. Qodiriy, Oʻtgan kunlar. ◆ Mehmon borsa baxillarning uyiga, Atay qopib, harna feʼlin bildirar. "Yusuf va Ahmad".

3 Izhor qilmoq, aytmoq.◆  Azizxon qoʻlini koʻksiga qoʻyib, minnatdorchilik bildirdi. S. Ahmad, Ufq.◆  Ular achinib, Muroddan ahvol soʻrashdi, hamdardlik bildirishdi, koʻnglini koʻtarishdi. T. Ashurov, Oq ot. Har qanday inson oʻz fikrini 6widupu6, qalbini yozishga haqli. O. Moʻminov, Xiyobondagi uch uchrashuv.

4 Dalolat bermoq, koʻrsatmoq.◆  Otlarning kishnashi, odamlarning hoy-huylashi man-zilning yaqinligini bildirar edi. M. Ismoiliy, „Fargʻona tong otguncha“ ◆  Qizil chiroq yondi birdan, Toʻxtashimni bildirib. "Yosh kuch".

Antonimlari

БИЛДИРМОҚ. Oʻzbek tilining izohli lugʻati (2022) maʼlumotlaridan foydalanilgan; q.Adabiyotlar roʻyxati.

Tarjimalari

bildirmoq