burama

Oʻzbekcha (uz)

Morfologik va sintaktik xususiyatlari

bu-ra-ma

Maʼnoviy xususiyatlari

Maʼnosi

1 Spiral shaklda buralgan, oʻralgan; buralma.◆  ..kichkina burama moʻylovli yigit hech qayerda koʻrinmasdi. S. Siyoyev, Avaz. ◆ Ayniqsa kattakon burama karnay ovozi ajralib turardi. H. Nazir, Koʻkterak sha-badasi.◆  Ular burama soʻqmoqdan zanjirdek oldinma-ketin borishar(di).. S. Karomatov, Oltin qum.◆  Shahzoda Moʻmin qapixonaga olib chiqadigan burama zinapoyadan devorni ikki qoʻli bilan siypab, sekin orqaga tislan-moqda. F. Joʻrayev, Obid Jalilov.

2 Burab ochilib-yopiladigan; vintsimon; vintli.◆  Darvozabon otning kallasidek ke-ladigan burama qulfga uzun kshshtni solib, anchagacha buradi-da, darvozani ochdi. M. Osim, Oʻtror.◆  Hasanali hujraning uzun burama qul-fini ochib, ichkariga sham yoqdi va bekning toʻshagini yozib, uning kirib yotishini kutib turdi. A. Qodiriy, Oʻtgan kunlar.

Burama mix s. t. Vint, shurup.◆  Sherbek ichkariga sirgʻanib tushdi-da, devor tagiga bekina qoldi. Endi sharmanda boʻldim, degan fikr mahkam yopishib, miyasini burama mix-day parmalay boshladi. S. Anorboyev, Oqsoy.

3 Girdob, uyurma.◆  Etakda Sir toʻlib, oʻqtin-oʻqtin buramalar hossh! qilib, toʻlgʻanib oqmoqda. Y. Shamshirov, Yengish.

4 ayn. burma 1, 2.◆  Burama koʻylak kiyibsiz, Sevikli ukam, yor-yor. "Qoʻshiqlar".

5 koʻchma Teskari maʼnoli, kinoyali; achchiq.◆  Burama gap qilmoq.

Antonimlari

БУРАМА. Oʻzbek tilining izohli lugʻati (2022) maʼlumotlaridan foydalanilgan; q.Adabiyotlar roʻyxati.

Tarjimalari

OʻTIL

Ot

burama (koʻplik buramalar)

• Inglizcha: screw, spiral

Ruscha _ru

burama
винтовой, винтообразный, витой; спиральный; ◆ burama kalit винтовой ключ; ◆ burama mix разг. винт, шуруп; ◆ burama sham витая свеча.