boʻsagʻa

Oʻzbekcha (uz)

Morfologik va sintaktik xususiyatlari

boʻ-sa-gʻa

Etimologiyasi

Ushbu so`z Mo‘g‘ulchadan kelib chiqadi.

Maʼnoviy xususiyatlari

Maʼnosi

1. ayn. ostona. ◆  Yomonning toʻrida yotguncha, Yaxshining boʻsagʻasida yot. Maqol. ◆ Yomon kuchuk boʻsagʻada hurar. Maqol. ◆ Ashmat eshik tutqichini ushlab, bir nafas boʻsagʻada turib qoldi. E. Usmonov, „Yolqin.“ ◆ Boʻri Paygʻamov, eshik ochilib, boʻsagʻada Nusratbek koʻrinishi bilan, yuzlari yashnab, oʻrnidan turib ketdi. S. Nurov, „Maysalarni ayoz urmaydi.“

2. koʻchma Biror hudud, manzilning kirish, boshlanish joyi, ostonasi. ◆ Qorabugʻroxon boshliq koʻchmanchilar oʻrdasi hozir Samarqand boʻsagʻasida. M. Osim, „Ibn Sino qissasi“ ◆  Berlinning boʻsagʻasida turibmiz, deb martda bir xat kelgan edi. S. Siyoyev, „Yorugʻlik.“ ◆ Minglab kichkintoylar maktab boʻsagʻasiga birinchi marta qadam qoʻyadilar. E. Qodirov, „Yangi marralar sari.“

3. koʻchma Biror marosim, muhim sana va sh. k. arafasi, boshlanish davri. ◆  Oʻtgan yil bilan ham xayrlashdik. Yangi yilning qutlugʻ boʻsagʻasiga qadam tashladik. N. Safarov, „Olovli izlar.“ ◆ U gʻalaba qasrining oltin boʻsagʻasida edi. M. Ismoiliy, „Fargʻona t.o.“ ◆ Armiya boʻsagʻasida turgan navqiron yigitlarga tilagim — Vatanimizning munosib qalqoni boʻlishsin. Gazetadan. ◆  Sidiqjon xuddi zoʻr baxtga erishgan yoki oʻshanday baxtning boʻsagʻasida turganday, terisiga sigʻmay.. eski hayotini eslagisi ham kelmay yurar edi. A. Qahhor, „Qoʻshchinor chiroqlari.“

Antonimlari

БЎСАҒА. Oʻzbek tilining izohli lugʻati maʼlumotlaridan foydalanilgan; q.Adabiyotlar roʻyxati.

Tarjimalari

boʻsagʻa

Ruscha _ru

boʻsagʻa
1 порог (дверной);
2 перен. порог, подступ (к чему-л.); ◆  Moskva boʻsagʻasidagi janglar бой на подступах к Москве;
3 канун (чего-л.).