Oʻzbekcha (uz)

Morfologik va sintaktik xususiyatlari

pis-ta

Aytilishi

Etimologiyasi

Pista soʻzi asli forscha soʻz boʻlib, oʻrta fors tilida *pistak soʻzining hozirgi fors tilidagi پسته pista shaklidan olingan.

Maʼnoviy xususiyatlari

Maʼnosi

1. bot. Janub togʻlarida oʻsadigan past boʻyli, yongʻoqmevali daraxt yoki buta. ◆ Tabiatning mehri bilan yasalgan koʻm-koʻk archazorlar va togʻ ariqlaridagi jarlar yoqasida saf tortgan pista zumraddek tovlanib, koʻzni qamashtirar edi. Tuygʻun, „Shoir haqida haqiqatlar“ .

2. Shu daraxtning qattiq qobiqli mevasi. ◆ Odam odam bilan, pista bodom bilan. Maqol . ◆ Lekin pista, bodom, mayiz, jiydani koʻrib, tarvuzim qoʻltigʻimdan tushdi. F. Musajonov, „Himmat“ . ◆ Ana shirinlik, mana shirinlik, deb murabboyu nisholda, pistayu magʻiz, qand-qurs, yana allanimalarni hech surishtirmasdan, aralash-quralashiga pok-pokiza tushiraveribdi. N. Maqsudiy, „Mechkay eshon“ .

:Xandon pista q. xandon. ◆ Jigaru buyrak, dumba yogʻdan tayyorlangan qoʻshaloq parmuda somsalar, xushboʻy murabbolar, Beshkaramning anoriyu, Fayziobodning tilyorar qovunlari, xandon pista, mayizlarning eng tozalari, yaxna goʻsht. "Yoshlik" .

3. s. t. Kungaboqarning xom yoki qovurilgan urugʻi. ◆ Bir vaqtlar eri urushda oʻlgan xotin shu tosh ustida oʻtirib, pista sotardi. Oʻ. Hoshimov, „Qalbingga quloq sol“ .

:Pista dahan Ogʻzi pistaga oʻxshash kichik va kelishgan. ◆ Xolmat: Obi ravon. pista dahan, nozik ado, pari jahon, yaʼni ism sha-riflari Jamilaxon. Hamza, „Boy ila xizmatchi“ . Pista koʻmir q. koʻmir. ◆ Keyin pista koʻmir soʻrab kirganimda, biram besaranjom ediki oʻtinxonalari. S. Zunnunova, „Olov“ . Pista poʻchoqqa jo qilmoq (yoki joylamoq) Gap bilan ogʻiz ochdirmay, bir burchakka tiqib qoʻymoq.

Sinonimlari

xandon pista

Antonimlari

Ushbu soʻzning antonimlari mavjud emas.

Manbasi

ПИСТА. Oʻzbek tilining izohli lugʻati (2022) maʼlumotlaridan foydalanilgan; q.Adabiyotlar roʻyxati.

Tarjimalari

Inglizcha _en

pistachio
1. pista daraxti va mevasi
2. pistarang

pistachio ice cream

Ruscha _ru

pista
1. бот. фисташка (дерево и плод); ◆ pista yongʻoq орех фисташковидный;
2. разг. семечки (жареные семена, подсолнечника); ◆ pista poʻchoq 1) скорлупа фисташки; 2) шелуха семечек; ◆ pista chaqmoq грызть семечки; ◆

pista dahan 1) маленький, красивый ротик; 2) девушка или молодая женщина с маленьким, красивым ротиком; ◆ pista koʻmir древесный уголь; ◆ bir pista poʻchoqqa jo qilmoq (букв. поместить в одну скорлупку фисташки) показать, где раки зимуют; залить жару (кому-л.).

pista